Monte Santa Helena

Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. Pues añadiles tu mesmu o avisar al autor principal del artículu na so páxina d'alderique pegando: {{subst:Avisu referencies|Monte Santa Helena}} ~~~~

Monte Santa Helena
Loo-wit (und) Louwala-Clough (und) Lawetlat'la (und)
estratovolcán y monte
Situación
País	Estaos Xuníos
Estaos	Washington
Cordal	Cordillera de las Cascadas (es)
Coordenaes	46°12′01″N 122°11′22″W / 46.2003°N 122.1894°O / 46.2003; -122.1894
Monte Santa Helena Monte Santa Helena (los EE.XX.)
Datos
Altitú	2549 m
Prominencia	1404 m
Materiales	dacita (es)
Fechos importantes
Erupción del Monte Santa Helena en 1980 (es) [[File:Noun Project label icon 1116097 cc mirror.svg
2004 eruption of Mount St. Helens (en) [[File:Noun Project label icon 1116097 cc mirror.svg
Orixe del nome	Alleyne FitzHerbert (es) [1]

El monte Santa Helena^[2] (n'inglés Mount St. Helens) ye un estratovolcán activu allugáu nel condáu de Skamania, nel estáu de Washington, na rexón del Pacíficu Noroccidental d'Estaos Xuníos. Agora tien namái 2550 m d'altitú sobre'l nivel del mar (la erupción de 1980 restó-y altor), y ta allugáu a 154 km al sur de Seattle y a 85 km al noroeste de Portland, Oregón. El monte ye parte de la Cascade Range y primeramente conocíase como Louwala-Clough que significa "monte de fueu o fumientu" na llingua de los nativos llocales, la tribu Klickitat. Recibió'l so actual nome del diplomáticu británicu Alleyne Fitzherbert, 1ᵉʳ Barón de St Helens, quien yera amigu de George Vancouver, un esplorador que realizó un sondéu del área a finales del sieglu XVIII. Esti volcán ye bien conocíu poles sos esplosión de cenices y fluxos piroclásticos.

Ye bien reconocíu pola catastrófica erupción del 18 de mayu de 1980. Esa erupción volcánica foi la más mortífera y económicamente destructora na historia de los EE. UU. La magnitú d'esta poderosa erupción foi de 5 na escala IEV.

57 persones morrieron pola erupción y 25 cases, 47 pontes, 24 quilómetros de víes ferriales y 300 quilómetros d'autopista quedaron destruyíos. La erupción causó un masivu ábanu d'escombros, amenorgando'l so cume dende 2,950 m a 2,550 msnm y reemplazándola con un cráter en forma de ferradura de 1,5 km d'anchu (ver la seición de xeoloxía pa más detalles). L'ábanu d'escombros de la erupción de 1980 foi d'hasta 2,3 km³ en volume, convirtiéndola na mayor na historia rexistrada. Sicasí, la escala de la so imaxe palidece en comparanza con ábanos d'escombros enforma mayores qu'asocedieron nel pasáu xeolóxicu de la Tierra.

Como la mayoría d'otros volcanes na cordal de les cascaes, el monte Santa Helena ye un gran conu d'escombros compuestu de piedra de llava entrepolada con ceniza volcánica, piedra pómez y otros depósitos. El monte inclúi capes de basaltu y andesita poles que delles cúpules de llava dacita fixeron erupción. La mayor de les cúpules de dacita formó l'anterior cume; otra formó la cúpula de Goat Rocks nel lladral nortizu. Estes fueron destruyíes na erupción de 1980.

El monte Santa Helena ye parte del Aniellu de Fueu del Pacíficu qu'inclúi más de 160 volcanes activos.

1. ↑ Afirmao en: The Columbia River .... Páxina: 26. Data d'espublización: 1910.
2. ↑ https://books.google.es/books?id=EiehuWAfjxoC&pg=PA13&dq=monte+santa+helena&hl=es&ei=suWYTaKWFsOSOvWf7LAH&sa=X&oi=book_result&ct=result&resnum=8&ved=0CEoQ6AEwBzgU#v=onepage&q=monte%20santa%20helena&f=false